Community Information
-
Insiders from Ashish Solanki roast show yesterday
Poore event ka hype itna build kiya tha ki laga tha koi massive mystery guest aane wala hai. Jab tickets le rahe the tab bhi yehi bola gaya tha ki mystery guest hoga, aur pichle season ke guests aur panel dekh ke expectations aur bhi high ho gayi thi. Venue ke bahar bhi logon se guess karwa rahe the ki kaun ho sakta hai, interviews chal rahe the – sabko lag raha tha ki koi bada dhamaka hone wala hai. Phir show start hone ka time aaya – ek toh already late shuru hua, but chalo theek hai. Phir announce kiya gaya Kunal Kamra. Pehle toh excitement thi – accha chalo, koi toh hai! But phir panel introduce kiya gaya, aur vibe seedha 100 se -10 pe aa gayi. Panel pe aise log the jinko shayad unke khud ke ghar waale bhi na jaante ho. Bas 1-2 log the jo thode famous the, but unka bhi comedy scene filhal utna strong nahi hai. Aur performance? Bhai, full snooze fest! Ekdum thanda, ekdum flat jokes – ek baar toh laga ki paisa wapas maang lein. Sirf ek banda, Omkar Yadav, jo clearly high tha, usne sabko hasa diya. Baaki sab bilkul flop the. Matlab itna hype create karke, mystery guest ka natak karke, phir aise unknown log panel pe daal diye? Pure waste of money.4
© 2025 Indiareply.com. All rights reserved.